Published : 07/12/2021 01:58 IST

వేసవిలో రామారావు డ్యూటీ

వితేజ కథానాయకుడిగా తెరకెక్కుతున్న ‘రామారావు ఆన్‌ డ్యూటీ’ విడుదల తేదీ ఖరారైంది. 2022 మార్చి 25న చిత్రాన్ని ప్రేక్షకుల ముందుకు తీసుకొస్తున్నట్టు వెల్లడించాయి సినీ వర్గాలు. దీంతో వేసవి బరిలో నిలిచే చిత్రాల జాబితాలో ‘రామారావు ఆన్‌ డ్యూటీ’ చేరినట్టైంది. శరత్‌ మండవ దర్శకత్వంలో రవితేజ కథానాయకుడిగా రూపొందుతున్న చిత్రమిది. దివ్యాంశ కౌశిక్‌, రజిషా విజయన్‌ నాయికలు. వేణు తొట్టెంపూడి ముఖ్య భూమిక పోషిస్తున్నారు. ఎస్‌.ఎల్‌.వి.సినిమాస్‌ ఎల్‌.ఎల్‌.పి పతాకంపై సుధాకర్‌ చెరుకూరి నిర్మిస్తున్నారు. ప్రస్తుతం రామోజీ ఫిల్మ్‌సిటీలో పోరాట ఘట్టాల్ని తెరకెక్కిస్తున్నారు. యథార్థ సంఘటనల ఆధారంగా రూపొందుతున్న చిత్రమిది. రవితేజ ప్రభుత్వ అధికారిగా కనిపిస్తారు. సోమవారం ఈ సినిమా విడుదల తేదీతో కూడిన ప్రచార చిత్రాన్ని విడుదల చేశాయి సినీ వర్గాలు. అందులో రవితేజ స్టైలిష్‌ అవతారం ఆకట్టుకుంటోంది. నాజర్‌, నరేష్‌, పవిత్రాలోకేష్‌, సార్పట్టా జాన్‌ విజయ్‌, చైతన్యకృష్ణ, తనికెళ్ల భరణి, రాహుల్‌ రామకృష్ణ, ఈరోజుల్లో శ్రీ, మధుసూధన్‌ రావు, సురేఖావాణి తదితరులు నటిస్తున్న ఈ చిత్రానికి సంగీతం: సామ్‌.సి.ఎస్‌, ఛాయాగ్రహణం: సత్యన్‌ సూర్యన్‌, కూర్పు: ప్రవీణ్‌.కె.ఎల్‌, కళ: సాహి సురేష్‌.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని