chhichhore: సుశాంత్‌ ‘ఛిఛోరే’ చైనాలో

బాలీవుడ్‌ సినిమాలకు ఎంత క్రేజ్‌ ఉందో ఆమిర్‌ ఖాన్‌ నటించిన ‘దంగల్‌’ సినిమా నిరూపించింది. నితిష్‌ తివారీ తెరకెక్కించిన ఈ చిత్రం చైనా బాక్సాఫీసు వద్ద సుమారు రూ.1000కోట్లు వసూలు చేసింది. దీంతో నితీష్‌ మరో చిత్రం ‘ఛిఛోరే’ కూడా చైనా ప్రేక్షకుల్ని అలరించనుంది. దివంగత బాలీవుడ్‌ యువ కథానాయకుడు సుశాంత్‌సింగ్‌ రాజ్‌పూత్‌ నటించిన చిత్రమిది. తాజాగా చిత్రబృందం చైనా భాషలో ఉన్న ‘ఛిఛోరే’ పోస్టర్‌ను విడుదల చేసింది. ఈ సినిమాని వచ్చే ఏడాది జనవరి 7న చైనాలో విడుదల చేయనున్నారు. చివరగా థియేటర్‌లో విడుదలైన సుశాంత్‌ సింగ్‌ చిత్రమిది. ‘‘కరోనా పరిస్థితుల తర్వాత చైనాలో విడుదల కానున్న తొలి భారతీయ చిత్రమిది. ఎన్ని స్క్రీన్లలో విడుదల చేయాలనే దానిపై ఇంకా స్పష్టత లేద’’ని చిత్రవర్గాలు చెప్పినట్టు తెలుస్తోంది.