Vikram Goud: ట్విస్ట్‌లే.. ట్విస్ట్‌లు

కిరణ్‌ రాజ్‌, దీపికా సింగ్‌ జంటగా పాశం నరసింహారావు తెరకెక్కిస్తున్న చిత్రం ‘విక్రమ్‌ గౌడ్‌’. సుహాసిని నిర్మాత. పోసాని కృష్ణమురళీ ప్రధాన పాత్రలో నటిస్తున్నారు. ఈ సినిమాని తెలుగు, కన్నడ భాషల్లో ఏకకాలంలో రూపొందిస్తున్నారు. ఈ చిత్ర టీజర్‌ను ఇటీవల హైదరాబాద్‌లో విడుదల చేశారు. ఈ సందర్భంగా దర్శకుడు మాట్లాడుతూ.. ‘‘ప్రేక్షకులు కోరుకునే అన్ని రకాల అంశాలు సినిమాలో ఉన్నాయి. ట్విస్ట్‌లు ఎక్కువగా ఉంటాయి. ప్రథమార్ధమంతా లవ్‌, ద్వితీయార్ధమంతా యాక్షన్‌ బ్యాక్‌డ్రాప్‌లో సాగుతుంది. ఓ పాట మినహా చిత్రీకరణ పూర్తయింది. వచ్చే ఏడాది ప్రథమార్ధంలో సినిమా విడుదల చేస్తామ’’న్నారు. ఈ కార్యక్రమంలో ప్రతాని రామకృష్ణ గౌడ్‌, డి.ఎస్‌.రావు, ‘మంత్ర’ ఆనంద్‌ తదితరులు పాల్గొన్నారు.