ఆసక్తికర ‘ముఖచిత్రం’

వికాస్‌ వశిష్ట, ప్రియ వడ్లమాని, చైతన్య రావ్‌, అయేషా ఖాన్‌ ప్రధాన పాత్రల్లో నటిస్తున్న చిత్రం ‘ముఖచిత్రం’. గంగాధర్‌ దర్శకుడు. ప్రదీప్‌ యాదవ్‌, మోహన్‌ యల్ల సంయుక్తంగా నిర్మిస్తున్నారు. ఈ చిత్ర ఫస్ట్‌లుక్‌ను దర్శకుడు అనిల్‌ రావిపూడి సోమవారం విడుదల చేశారు. ప్రచార చిత్రంలో ప్రియ వడ్లమాని రెండు పాత్రల్లో కనిపించడం ఆసక్తి కలిగిస్తోంది. ఇందులో ఓ పాత్రలో ఆధునిక యువతిగా కనిపించగా.. మరో పాత్రలో పల్లెటూరి అమ్మాయిగా దర్శనమిచ్చింది. ‘‘ఫన్‌ అండ్‌ ఇంటెన్స్‌ డ్రామాగా తెరకెక్కుతున్న చిత్రమిది. ఆద్యంతం ఆసక్తికరంగా ఉంటుంది. దీనికి ‘కలర్‌ఫొటో’ ఫేమ్‌ సందీప్‌రాజ్‌ కథ, స్క్రీన్‌ప్లే, మాటలు అందించారు. ఈ సినిమా త్వరలో ప్రేక్షకుల ముందుకు రానుంది’’ అని చిత్ర బృందం తెలిపింది. ఈ చిత్రానికి సంగీతం: కాల భైరవ, ఛాయాగ్రహణం: బి.శ్రీనివాస్‌.