Chiranjeevi: ఏప్రిల్‌ 1న ‘ఆచార్య’

చిరంజీవి, రామ్‌చరణ్‌ కథానాయకులుగా నటించిన ‘ఆచార్య’ ఏప్రిల్‌ 1న విడుదల కానుంది. ఆ విషయాన్ని చిత్రబృందం ఆదివారం అధికారికంగా ప్రకటించింది. ఇదివరకు ఈ సినిమాని ఫిబ్రవరి 4న విడుదల చేయాలనుకున్న విషయం తెలిసిందే. అయితే కొవిడ్‌ పరిస్థితుల నేపథ్యంలో మరోసారి వాయిదా వేస్తూ, ఏప్రిల్‌ 1గా కొత్త విడుదల తేదీని ఖరారు చేశారు.
కొరటాల శివ దర్శకత్వంలో తెరకెక్కుతున్న చిత్రమిది. మ్యాట్నీ ఎంటర్‌టైన్‌మెంట్స్‌ పతాకంపై నిరంజన్‌రెడ్డి, అన్వేష్‌రెడ్డి సంయుక్తంగా నిర్మిస్తున్నారు. కొణిదెల ప్రొడక్షన్స్‌ కంపెనీ సమర్పిస్తోంది. చిరుకి జోడీగా కాజల్‌, రామ్‌చరణ్‌కి జోడీగా పూజాహెగ్డే నటించారు. మణిశర్మ స్వరాలు సమకూరుస్తున్నారు.