టీజర్‌తో ‘సామాన్యుడు’

విశాల్‌ కథానాయకుడిగా నటిస్తూ.. స్వయంగా నిర్మించిన చిత్రం ‘సామాన్యుడు’. నాట్‌ ఏ కామన్‌ మ్యాన్‌.. అనేది ఉపశీర్షిక. తు.ప శరవణన్‌ దర్శకుడు. డింపుల్‌ హయాతి కథానాయిక. ఈ సినిమా రిపబ్లిక్‌ డే సందర్భంగా జనవరి 26న ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్లో భాగంగా ఈనెల 19న చిత్ర టీజర్‌ విడుదల చేసేందుకు సిద్ధమయ్యారు. ఈ విషయాన్ని విశాల్‌ ట్విటర్‌ ద్వారా ప్రకటించారు. ఈ సందర్భంగా ఓ కొత్త పోస్టర్‌ను అభిమానులతో పంచుకున్నారు. ఆ ప్రచార చిత్రంలో ఆయన ఓ చెక్క కూర్చిలో కూర్చొని సీరియస్‌గా చూస్తూ కనిపించారు. ‘‘విభిన్నమైన యాక్షన్‌ కథాంశంతో రూపొందిన చిత్రమిది. ప్రేక్షకుల్ని ఆలోచింపజేసే మంచి సందేశముంది. విశాల్‌ శక్తిమంతమైన పాత్రలో కనిపిస్తారు’’ అని చిత్ర వర్గాలు తెలిపాయ. ఈ చిత్రంలో యోగిబాబు, పా తులసి తదితరులు కీలక పాత్రల్లో నటించారు. యువన్‌ శంకర్‌ రాజా స్వరాలందించారు. కెవిన్‌ రాజా ఛాయాగ్రాహకుడిగా వ్యవహరించారు.