కొత్త చిత్రం ఖరారు

‘సోగ్గాడే చిన్ని నాయనా’, ‘రారండోయ్‌ వేడుక చూద్దాం’ లాంటి సినిమాలతో దర్శకుడిగా తనకంటూ ఓ ప్రత్యేక గుర్తింపు తెచ్చుకున్నారు కల్యాణ్‌కృష్ణ. ఆయన తెరకెక్కించిన తాజా చిత్రం ‘బంగార్రాజు’ సంక్రాంతి సందర్భంగా ఇటీవలే ప్రేక్షకుల ముందుకొచ్చింది. ఇప్పుడాయన తదుపరి చిత్రం స్టూడియో గ్రీన్‌ సంస్థలో ఖరారైంది. ఈ విషయాన్ని నిర్మాత కె.ఇ జ్ఞానవేల్‌ రాజా సోమవారం అధికారికంగా ప్రకటించారు. ఈ సందర్భంగా ఆయన మాట్లాడుతూ ‘‘సంక్రాంతికి ‘బంగార్రాజు’తో బ్లాక్‌బస్టర్‌ హిట్‌ ఇచ్చారు కల్యాణ్‌కృష్ణ. ఇప్పుడాయనతో మా బేనర్లో భారీ సినిమా చేయనున్నామని సంతోషంగా ప్రకటిస్తున్నాం. ఈ చిత్రానికి సంబంధించిన మరిన్ని వివరాలు త్వరలో అధికారికంగా ప్రకటిస్తామ’’న్నారు.