Akhanda: ‘అఖండ’ విజయం

బాలకృష్ణ కథానాయకుడిగా నటించిన ‘అఖండ’ గురువారంతో యాభై రోజులు పూర్తి చేసుకుంది. 103 కేంద్రాల్లో 50 రోజులుగా ప్రదర్శితమవుతూ...పేరుకు తగ్గట్టే అఖండ విజయాన్ని సొంతం చేసుకుంది చిత్రం. ఈ సందర్భంగా చిత్రబృందం గురువారం రాత్రి హైదరాబాద్‌లోని సుదర్శన్‌ థియేటర్‌లో ప్రేక్షకుల మధ్య యాభై రోజుల వేడుకని నిర్వహించింది. కథానాయకుడు బాలకృష్ణ, దర్శకుడు బోయపాటి శ్రీను, నిర్మాత మిర్యాల రవీందర్‌రెడ్డి, నిర్మాతలు శిరీష్‌, టి.ప్రసన్నకుమార్‌ తదితరులు పాల్గొన్నారు.