Ranga Ranga Vaibhavang: రంగ రంగ వైభవం

వైష్ణవ్‌తేజ్‌ కథానాయకుడిగా శ్రీ వెంకటేశ్వర సినీ చిత్ర పతాకంపై ఓ చిత్రం రూపొందుతున్న సంగతి తెలిసిందే. కేతికశర్మ కథానాయిక. గిరీశాయ దర్శకత్వం వహిస్తున్నారు. బి.వి.ఎస్‌.ఎన్‌.ప్రసాద్‌ నిర్మాత. బాపినీడు.బి సమర్పకులు. ఈ సినిమాకి ‘రంగ రంగ వైభవంగా...’ అనే పేరుని ఖరారు చేశారు. సోమవారం సినిమా టైటిల్‌ టీజర్‌తోపాటు ఫస్ట్‌లుక్‌ని విడుదల చేసింది చిత్రబృందం. ‘అమ్మాయిలు ట్రీట్‌ ఇవ్వాలంటే ఏం తీసుకురానక్కర్లేదు తెలుసా?...’ అనే డైలాగ్‌తో టీజర్‌ సందడి చేసింది. నాయకానాయికల మధ్య బటర్‌ ఫ్లై కిస్‌ థియరీ టీజర్‌కి ఆకర్షణగా నిలిచింది. యువతరంతోపాటు కుటుంబ ప్రేక్షకుల్ని అలరించే అంశాలతో కూడిన చిత్రమిదని సినీ వర్గాలు తెలిపాయి. దేవిశ్రీప్రసాద్‌ స్వరాలు సమకూరుస్తుండగా, శ్యామ్‌ దత్‌ కెమెరా బాధ్యతల్ని నిర్వర్తిస్తున్నారు.