Shruthi Hassan: ఆద్యగా శ్రుతిహాసన్‌

కథానాయిక శ్రుతిహాసన్‌ తెలుగులో వరుసగా అవకాశాల్ని అందుకొంటోంది. ‘క్రాక్‌’ తర్వాత ఆమె కెరీర్‌ మరోమారు ఊపందుకున్నట్టే. ప్రభాస్‌తో కలిసి ‘సలార్‌’లో నటిస్తున్న ఆమె, బాలకృష్ణ, చిరంజీవి సినిమాల్లో కూడా అవకాశాల్ని అందుకొంది. పాన్‌ ఇండియా స్థాయిలో రూపొందుతున్న ‘సలార్‌’లో ఆద్య అనే పాత్రలో నటిస్తోంది శ్రుతిహాసన్‌. ఆమె పుట్టినరోజు సందర్భంగా శుక్రవారం ‘సలార్‌’ చిత్రబృందం శ్రుతి లుక్‌ని విడుదల చేసింది. ‘కె.జి.ఎఫ్‌’ ఫేమ్‌ ప్రశాంత్‌ నీల్‌ దర్శకత్వంలో రూపొందుతున్న చిత్రమిది. విజయ్‌ కిరగందూర్‌ నిర్మిస్తున్నారు.