చిరు చిత్రంలో.. రవితేజ

చిరంజీవి కథానాయకుడిగా బాబీ (కె.ఎస్‌.రవీంద్ర) దర్శకత్వంలో ఓ చిత్రం రూపొందుతోన్న సంగతి తెలిసిందే. మైత్రీ మూవీ మేకర్స్‌ సంస్థ నిర్మిస్తోంది. శ్రుతిహాసన్‌ కథానాయిక. ప్రస్తుతం చిత్రీకరణ దశలో ఉంది. ఈ సినిమాలో రవితేజ మరో హీరోగా నటిస్తున్నట్లు మొదట్లో వార్తలు వచ్చినా, ఆ పాత్రని ఆయన వదులుకున్నట్లు ఈ మధ్య ప్రచారం వినిపించింది. కానీ, చిత్ర సన్నిహిత వర్గాల సమాచారం ప్రకారం.. జూన్‌ తొలి వారంలో రవితేజ ఈ చిత్ర సెట్లోకి అడుగుపెట్టనున్నారని తెలిసింది. హైదరాబాద్‌లో ప్రారంభమయ్యే ఈ కొత్త షెడ్యూల్‌లో ఆయనతో పాటు చిరుపై పలు కీలక సన్నివేశాలు తెరకెక్కించనున్నారని టాక్‌. చిరు శైలికి తగ్గట్లుగా సాగే చక్కని మాస్‌ యాక్షన్‌ కథాంశంతో ఈ సినిమా రూపొందిస్తున్నట్లు తెలుస్తోంది. ఈ చిత్రం కోసం ‘వాల్తేర్‌ వీరయ్య’ అనే టైటిల్‌ పరిశీలనలో ఉంది.