Updated : 21 May 2022 08:16 IST

Devisri Prasad: నవ్వించాలని కంకణం కట్టుకొన్నాం

‘‘జంధ్యాల, ఈవీవీ ఎంత చక్కగా హాస్యం పండించేవారో.. అలాంటి ఆరోగ్య కరమైన హాస్యం ‘ఎఫ్‌3’లో ఉంద’’న్నారు సంగీత దర్శకుడు దేవిశ్రీ ప్రసాద్‌. వెంకటేష్‌, వరుణ్‌ తేజ్‌ కలిసి నటించిన చిత్రమే ‘ఎఫ్‌3’.విజయవంతమైన సినిమా ‘ఎఫ్‌2’కు సీక్వెల్‌గా అనిల్‌ రావిపూడి తెరకెక్కించారు. దేవిశ్రీ స్వరాలు సమకూర్చారు. ఈ సినిమా మే 27న విడుదల కానున్న నేపథ్యంలో ఆయన శుక్రవారం హైదరాబాద్‌లో విలేకర్లతో చిత్ర విశేషాలు పంచుకున్నారు.

‘‘ఎఫ్‌2’కు మించిన వినోదం ‘ఎఫ్‌3’లో ఉంటుంది. దీన్ని అనిల్‌ రావిపూడి చాలా  అద్భుతంగా రాశారు, తీశారు. ఆర్‌ఆర్‌ చేస్తూ.. నేను పడిపడి నవ్వుకున్నాను. ప్రేక్షకుల్ని నవ్వించాలని కంకణం కట్టుకొని సినిమా  తీసినట్లుగా అనిపించింది. దీంట్లో వినోదంతో పాటు చక్కటి సందేశమూ ఉంది. దాన్ని అనిల్‌ చాలా గొప్పగా చెప్పారు. వెంకటేష్‌, వరుణ్‌ తేజ్‌ ఇందులో చాలా అద్భుతంగా చేశారు. తమన్నా, మెహ్రీన్‌, రాజేంద్ర ప్రసాద్‌, సునీల్‌, అలీ.. ఇలా అందరూ హిలేరియస్‌గా చేశారు’’.

‘‘అనిల్‌ రావిపూడితో  పనిచేస్తే ఒత్తిడి ఉండదు. ఆయన స్క్రిప్ట్‌ చెప్పినప్పుడే సినిమా చూసినట్లు ఉంటుంది. ‘ఎఫ్‌2’లో ఎక్కువ సిట్యుయేషనల్‌ సాంగ్స్‌ ఉంటాయి. ఇందులో జనరల్‌గా కనెక్ట్‌ అయ్యే పాటలూ చేశాం. ‘లబ్‌ డబ్‌ డబ్బు’, ‘లైఫ్‌ అంటే ఇట్లా ఉండాలా’ పాటలు కథలో భాగమవుతూనే అందరికీ కనెక్ట్‌ అయ్యేలా ఉంటాయి. ఇవి ప్రేక్షకులకీ కొత్త అనుభూతిని పంచిచ్చాయి. రీరికార్డింగ్‌ అంతా చూసి.. ‘అద్భుతంగా చేశారు. మీకు వంద హగ్గులు, వంద ముద్దులు’ అన్నారు అనిల్‌ రావిపూడి. ఆ మాట నాకు చాలా ఆనందాన్నిచ్చింది’’.

‘‘నేనెప్పుడూ మ్యూజిక్‌ను ఆస్వాదిస్తూ చేస్తాను. ఒక ట్యూన్‌ కంపోజ్‌ చేసి, దీనికి నేను డ్యాన్స్‌ చేస్తానా? లేదా? అని చూసుకుంటాను. ట్యూన్‌ కంపోజ్‌ చేసినప్పుడే నాకు ఒక ఊపు వచ్చిందంటే అందరికీ ఆ జోష్‌ వస్తుందని నమ్ముతా. బహూశా అదే నా సీక్రెట్‌. ఇండస్ట్రీలో సంగీత దర్శకుల మధ్య పోటీ ఏమీ ఉండదు. మంచి పాటలు వచ్చినప్పుడు దాన్ని చూసి ప్రేరణ పొందుతాం. అలాంటి పాట మనమూ చేస్తే బావుంటుందనిపిస్తుంది. అంతే కానీ, మా మధ్య      కాంపిటేషన్‌ ఏమీ ఉండదు’’.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని