Shekar: ‘శేఖర్‌’ ప్రదర్శనల నిలిపివేత

రాజశేఖర్‌ హీరోగా జీవిత తెరకెక్కించిన చిత్రం ‘శేఖర్‌’. ఇటీవలే ప్రేక్షకుల ముందుకొచ్చిన ఈ సినిమా ఓ ఆర్థిక వ్యవహారానికి సంబంధించిన విషయంలో చట్టపరమైన చిక్కుల్లో పడింది. దీంతో ఆదివారం అన్ని థియేటర్లలో ఈ చిత్ర ప్రదర్శనలు నిలిపివేశారు. దీనిపై హీరో రాజశేఖర్‌ సామాజిక మాధ్యమాల వేదికగా స్పందించారు. ‘‘నాకు నా కుటుంబానికి సినిమాయే జీవితం. ఈ చిత్రాన్ని పూర్తి చేసి, విడుదల చేసేందుకు ఎంతో కష్టపడ్డాం. సినిమాకి ప్రేక్షకుల నుంచి మంచి స్పందన వచ్చింది. కొందరు మాపై ఉద్దేశపూర్వకంగా కక్ష కట్టి చిత్రాన్ని థియేటర్లలో ఆడకుండా ఈరోజు నిలువరించారు. ఈ సినిమాపై మేమెన్నో ఆశలు పెట్టుకున్నాం. ఏదోలా సినిమా తిరిగి థియేటర్లలో ప్రారంభమవుతుందని ఆశిస్తున్నాం’’ అని రాజశేఖర్‌ భావోద్వేగంగా ట్వీట్‌ చేశారు.