ఏ పనైనా వెంటనే స్టార్ట్‌ చేయాలి

నాగచైతన్య హీరోగా విక్రమ్‌ కె.కుమార్‌ తెరకెక్కించిన చిత్రం ‘థ్యాంక్‌ యూ’. దిల్‌రాజు, శిరీష్‌ సంయుక్తంగా నిర్మించారు. రాశి ఖన్నా, మాళవిక నాయర్‌ కథానాయికలు. ఈ సినిమా జులై 8న ప్రేక్షకుల ముందుకు రానుంది. ప్రచార కార్యక్రమాల్లో భాగంగా ఈనెల 25న సాయంత్రం 5:04గం.లకు చిత్ర టీజర్‌ విడుదల చేయనున్నారు. ఈ విషయాన్ని చిత్ర బృందం సోమవారం అధికారికంగా ప్రకటించింది. దీనికి సంబంధించి ఓ వీడియో పంచుకుంది. ఇందులో చైతన్య డబ్బింగ్‌ చెబుతూ కన్పించారు. ‘ప్రియా నేను రెడీ... ఏ పనైనా వెంటనే స్టార్ట్‌ చేయాలి’ అంటూ చైతన్య పలుకుతున్న మాటలు... ఈ చిత్రం ఓ ప్రేమ కథాంశంతో రూపొందిందని చెప్పకనే చెబుతోంది. దీనికి సంగీతం: తమన్‌, కథ: బీవీఎస్‌ రవి, కూర్పు: నవీన్‌ నూలి, ఛాయాగ్రహణం: పీసీ శ్రీరామ్‌.