Published : 24 May 2022 02:02 IST

పదిరోజులు ముందుగానే ప్రదర్శనలు

అడివి శేష్‌ హీరోగా శశి  కిరణ్‌ తిక్క   తెరకెక్కించిన చిత్రం ‘మేజర్‌’. 26/11 ముంబయి  ఉగ్రదాడుల్లో వీరమరణం పొందిన మేజర్‌ సందీప్‌ ఉన్ని కృష్ణన్‌ జీవిత కథతో రూపొందింది. ఈ సినిమా జూన్‌ 3న ప్రేక్షకుల ముందుకు రానున్న సంగతి తెలిసిందే. అయితే ఈ చిత్రాన్ని విడుదల తేదీ కన్నా పదిరోజుల ముందు నుంచే దేశంలోని పలు నగరాల్లో ప్రత్యేకంగా ప్రదర్శించనున్నారు. ఈ విషయాన్ని చిత్ర బృందం సోమవారం అధికారికంగా ప్రకటించింది. ఈనెల 24న పుణె, 25న జైపూర్‌ - అహ్మదాబాద్‌, 27న దిల్లీ, 28న లక్‌నవూ, 30న బెంగళూరు, 31న కొచ్చి, జూన్‌ 1న ముంబయి, జూన్‌ 2న హైదరాబాద్‌లలో.. ఎంపిక చేసిన థియేటర్లలో ఈ సినిమాని ముందుగా ప్రదర్శించనున్నారు. ‘‘మేజర్‌ సందీప్‌ ఉన్నికృష్ణన్‌ జీవితం అసాధారణమైనది. ప్రతి భారతీయుడు చూడవలసిన కథ. అందుకే ఈ రియల్‌ హీరో చిత్రానికి దేశవ్యాప్తంగా ప్రివ్యూలు ఉండనున్నాయి’’ అని చిత్ర వర్గాలు తెలిపాయి. ఈ సినిమాని మహేష్‌బాబు జీఎంబీ ఎంటర్‌టైన్‌మెంట్‌, ఏ ప్లస్‌ ఎస్‌ మూవీస్‌, సోనీ పిక్చర్స్‌ ఫిల్మ్స్‌ ఇండియా సంస్థలు సంయుక్తంగా నిర్మించాయి.

 

 

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని