Published : 24 May 2022 02:02 IST

ఎంత ప్రత్యేకమో.. మీరే చెబుతారు!

‘‘మరచిపోలేని అనుభూతి పంచుతుంది మృధుమయి పాట’’ అంటోంది మానుషి చిల్లర్‌. అక్షయ్‌కుమార్‌ ప్రధాన పాత్రలో మానుషి కథానాయికగా రూపొందుతున్న చిత్రం ‘పృధ్వీరాజ్‌’. చంద్రప్రకాశ్‌ ద్వివేది తెరకెక్కిస్తున్న ఈ చిత్రం జూన్‌ 3న ప్రేక్షకుల ముందుకు రానుంది. ఈ సినిమా తెలుగుతో పాటు.. పలు దక్షిణాది భాషల్లో విడుదల కానుంది. ఈ    నేపథ్యంలో ‘మృధుమయి... ప్రేమ సదా మృధుమయి’ అనే గీత టీజర్‌ను విడుదల చేశారు. మానుషికి ఇది తొలి బాలీవుడ్‌ చిత్రం. ఈ సందర్భంగా ఆమె   మాట్లాడుతూ.. ‘‘ఈ పాట చిత్రీకరణ ఎంతో ఆసక్తికరంగా, ఆనందంగా జరిగింది. పృధ్వీరాజ్‌-సంయోగితల మధ్య ప్రేమ వ్యక్తమయ్యే ఈ పాట నాకు ఎంతో ప్రత్యేకం. మొత్తం పాటను చూశాక మీరే అంటారు... అది ఎంత ప్రత్యేకమో. అంత బాగుంటుంది. అక్షయ్‌కుమార్‌ లాంటి స్టార్‌ హీరోతో చేయడం నాకు   లభించిన వరం. ఈ సినిమా అన్ని భాషల్లోనూ  విజయవంతమవుతుంది’’ అని పేర్కొంది.  రాజ్‌పూత్‌ యోధుడు పృధ్వీరాజ్‌ చౌహాన్‌ వీరగాథ ఆధారంగా తీసిన ఈ సినిమాను యశ్‌రాజ్‌ ఫిల్మ్స్‌ నిర్మిస్తోంది. సంజయ్‌దత్‌, సోనూసూద్‌ ఇతర ముఖ్యపాత్రల్లో కన్పిస్తారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని