Cinema News: ఉద్వేగపరిచే..‘రాంగ్‌ నంబర్‌’

మారుతి రామ్‌, జియోడార్ల, హాసిని జంటగా సాంబశివరావు తెరకెక్కించిన చిత్రం ‘రాంగ్‌ నంబర్‌’. ఆర్‌.వి.యస్‌. రావు, ఫనా సంయుక్తంగా నిర్మించారు. అజయ్‌ ఘోష్‌ కీలక పాత్రలో నటించారు. ఈ చిత్ర ట్రైలర్‌ను ఇటీవల హైదరాబాద్‌లో విడుదల చేశారు. ఈ సందర్భంగా చిత్ర దర్శకుడు మాట్లాడుతూ.. ‘‘క్రైమ్‌ థ్రిల్లర్‌ కథాంశంతో రూపొందిన చిత్రమిది. నిర్మాతలు ఖర్చుకు వెనకాడకుండా నిర్మించారు. అందరూ ట్రైలర్‌ బాగుందని మెచ్చుకుంటున్నారు. ట్రైలర్‌ కంటే సినిమా పదిరెట్లు బాగుంటుంది. మంచి కాన్సెప్ట్‌తో వస్తున్న ఈ చిత్రం కచ్చితంగా ప్రేక్షకులకు నచ్చుతుందని ఆశిస్తున్నా’’ అన్నారు. ‘‘హీరో కొత్త వాడైనా అనుభవమున్నవాడిలా నటించాడు. దర్శకుడు సినిమాని అద్భుతంగా తెరకెక్కించారు. త్వరలో విడుదల తేదీ ప్రకటిస్తాం’’ అన్నారు నిర్మాత ఆర్‌.వి.యస్‌.రావు. శ్రీరాములు, తిలక్‌ గంగాధర్‌ యాదవ్‌, దామోదర్‌ తదితరులు పాల్గొన్నారు.