Vijay: హైదరాబాద్‌ టు చెన్నై

విజయ్‌ కథానాయకుడిగా వంశీ పైడిపల్లి దర్శకత్వంలో ఓ చిత్రం రూపొందుతోన్న సంగతి తెలిసిందే. దిల్‌రాజు, శిరీష్‌, పరమ్‌ వి పొట్లూరి, పెరల్‌ వి పొట్లూరి సంయుక్తంగా నిర్మిస్తున్నారు. రష్మిక కథానాయిక. ప్రస్తుతం శరవేగంగా చిత్రీకరణ జరుపుకొంటోంది. తాజాగా 25రోజుల పాటు చిత్రీకరించిన భారీ షెడ్యూల్‌ పూర్తయింది. ఇందులో భాగంగా చిత్ర ప్రధాన తారాగణంపై చాలా కీలకమైన సన్నివేశాలు తెరకెక్కించారు. ఈ విషయాల్ని చిత్ర బృందం గురువారం అధికారికంగా ప్రకటించింది. ఈ మేరకు విజయ్‌, వంశీ కలిసి ఉన్న సెట్లోని ఫొటోను నెట్టింట పంచుకున్నారు. విజయ్‌ నటిస్తున్న 66వ చిత్రమిది. తదుపరి షెడ్యూల్‌ చెన్నైలో జూన్‌ తొలివారంలో మొదలు కానున్నట్లు సమాచారం. ఈ సినిమా వచ్చే ఏడాది సంక్రాంతి సందర్భంగా విడుదల చేసేందుకు సన్నాహాలు చేస్తున్నారు. ఈ సినిమాలో శరత్‌ కుమార్‌, ప్రభు, యోగిబాబు, ప్రకాష్‌ రాజ్‌, శ్రీకాంత్‌, జయసుధ కీలక పాత్రలు పోషిస్తున్నారు.