Macherla Niyojakavargam: మాచర్ల రాజకీయం

నితిన్‌(Nithiin) కథానాయకుడిగా... ఎం.ఎస్‌.రాజశేఖర్‌రెడ్డి(MS RajasekharReddy) దర్శకత్వంలో తెరకెక్కుతున్న చిత్రం ‘మాచర్ల నియోజకవర్గం’ (Macherla Niyojakavargam). కృతిశెట్టి (KrithiShetty), కేథరిన్‌(Catherine) కథానాయికలు. శ్రేష్ఠ్‌ మూవీస్‌ పతాకంపై సుధాకర్‌రెడ్డి, నికితారెడ్డి నిర్మిస్తున్నారు. రాజ్‌కుమార్‌ ఆకెళ్ల సమర్పకులు. చివరి పాట మినహా చిత్రీకరణ పూర్తయినట్టు సినీ వర్గాలు తెలిపాయి. ఆగస్ట్‌ 12న చిత్రాన్ని ప్రేక్షకుల ముందుకు తీసుకొస్తున్నారు. నిర్మాత మాట్లాడుతూ ‘‘రాజకీయాంశాలతో కూడిన మాస్‌ చిత్రమిది. నితిన్‌ యువ ఐఏఎస్‌ అధికారిగా సందడి చేయనున్నారు. ఆయన, కృతిశెట్టిల జోడీ అందంగా కనిపించి అలరించనుంది. కేథరిన్‌ మరో కథానాయికగా ఓ కీలకమైన పాత్రలో కనిపిస్తుంది. అత్యున్నత సాంకేతిక విలువలతో రూపొందిన ఈ చిత్రం తప్పకుండా ప్రేక్షకుల్ని మెప్పిస్తుంద’’ని సినీ వర్గాలు తెలిపాయి. ఈ చిత్రానికి ఛాయాగ్రహణం: ప్రసాద్‌ మూరెళ్ల, సంగీతం: మహతి స్వరసాగర్‌, సంభాషణలు: మామిడాల తిరుపతి, కళ: సాహి సురేష్‌, కూర్పు: కోటగిరి వెంకటేశ్వరరావు.