Sai pallavi: సూర్య సమర్పణలో.. సాయిపల్లవి చిత్రం

ఇటీవలే ‘విరాటపర్వం’తో (Virataparvam) వెన్నెలగా ప్రేక్షకుల్ని పలకరించింది నటి సాయిపల్లవి (Sai Pallavi). ఇప్పుడు ‘గార్గి’తో(Gargi) సందడి చేసేందుకు సిద్ధమవుతోంది. ఆమె ప్రధాన పాత్రలో నటిస్తున్న బహుభాషా చిత్రమిది. గౌతమ్‌ రామచంద్రన్‌ (Gautham Ramachandran) తెరకెక్కిస్తున్నారు. ఈ సినిమాని 2డీ ఎంటర్‌టైన్‌మెంట్‌ పతాకంపై సమర్పించనున్నారు ప్రముఖ నటులు సూర్య - జ్యోతిక. ఈ విషయాన్ని సూర్య శుక్రవారం సామాజిక మాధ్యమాల ద్వారా ప్రకటించారు. ఈ సందర్భంగా చిత్ర బృందంతో దిగిన ఫొటోలను నెట్టింట పంచుకున్నారు. న్యాయ వ్యవస్థ నేపథ్యంలో సాగే ఆసక్తికరమైన కథాంశంతో ఈ చిత్రం రూపొందుతోంది.