My Dear Bootham: మై డియర్‌ మాస్టర్‌

ప్రభుదేవా(Prabhudeva) కథానాయకుడిగా తెరకెక్కుతున్న చిత్రం ‘మై డియర్‌ భూతం’ (My Dear Bootham). ఎన్‌.రాఘవన్‌ దర్శకత్వం వహిస్తున్నారు. రమేష్‌.పి పిళ్లై నిర్మిస్తున్న ఈ సినిమాని తెలుగులో ఏఎన్‌ బాలాజీ విడుదల చేస్తున్నారు. ప్రచార కార్యక్రమాల్లో భాగంగా ఈ సినిమాలోని తొలి పాటని విడుదల చేశారు. మాస్టర్‌ ఓ మై మాస్టర్‌...’ అంటూ సాగే ఈ పాటని ఇమ్మాన్‌ స్వరపరచగా, చల్లా భాగ్యలక్ష్మి రచించారు. అరవింద్‌ అన్నెస్ట్‌ ఆలపించారు. ఇందులో జీనీగా నటిస్తున్నారు ప్రభుదేవా. జీనీకి, పిల్లలకీ మధ్య జరిగే కథతో ఈ చిత్రం రూపొందుతోందని, ప్రభుదేవా తన నటనతోనూ, డ్యాన్స్‌తోనూ అలరిస్తారని సినీ వర్గాలు తెలిపాయి. ఇందులో రమ్య నంబీశన్‌ కీలక పాత్ర పోషించారు. సంయుక్త, ఇమ్మాన్‌ అన్నాచి, తదితరులు నటించారు.