Ramarao On Duty: అందిస్తాను వీసా

‘ఒకరికినే మసాలా సీసా.. ఇంకొకరికి రసాల సీసా... అందరికీ అందిస్తాను స్వర్గానికి వీసా’ అంటోంది  ఓ అమ్మాయి. ఆమె ఎవరో, ఆమె కథేమిటో తెలియాలంటే ‘రామారావు ఆన్‌ డ్యూటీ’ (Ramarao On Duty) చూడాల్సిందే. రవితేజ(Raviteja) కథానాయకుడిగా తెరకెక్కుతున్న చిత్రమిది. రజిషా విజయన్‌(Rajisha Vijayan), దివ్యాంశ కౌశిక్‌(Divyansha Kaushik) కథానాయికలు. శరత్‌ మండవ దర్శకుడు. సుధాకర్‌ చెరుకూరి నిర్మాత. ఈ నెల 29న ప్రేక్షకుల ముందుకు రానున్న ఈ చిత్రంలోని ‘నా పేరు సీసా...’ అంటూ సాగే పాటని శనివారం విడుదల చేశారు. ఇందులో రవితేజతో కలిసి అన్వేషి జైన్‌ నృత్యాలు చేశారు. ప్రముఖ రచయిత చంద్రబోస్‌ రచించిన ఈ గీతాన్ని, శ్రేయా ఘోషల్‌తో కలిసి ఆలపించడంతోపాటు స్వరాలు సమకూర్చారు సంగీత దర్శకుడు సామ్‌ సీఎస్‌. యథార్థ సంఘటనల ఆధారంగా తెరకెక్కుతున్న యాక్షన్‌ థ్రిల్లర్‌  చిత్రమిది.