Sumanth: సుమంత్‌.. కొత్త కబురు

హీరో సుమంత్‌ (Sumanth) కొత్త కబురు వినిపించారు. సంతోష్‌ జాగర్లపూడి(Santosh Jagarlamudi) దర్శకత్వంలో ఓ సినిమా చేసేందుకు అంగీకరించారు.‘సుబ్రహ్మణ్యపురం’ (Subrahmanyapuram) తర్వాత ఈ ఇద్దరి కాంబినేషన్‌లో వస్తున్న రెండో చిత్రమిది. దీన్ని కె.ప్రదీప్‌ నిర్మించనున్నారు. ఈ ప్రాజెక్ట్‌ను ఆదివారం అధికారికంగా ప్రకటించారు. ఈ సందర్భంగా నిర్మాత మాట్లాడుతూ.. ‘‘పురాతన దేవాలయం నేపథ్యంలో సాగే కథతో ఈ సినిమా రూపొందనుంది. ఆద్యంతం ఆసక్తిరేకెత్తిస్తూ.. థ్రిల్‌ పంచుతుంది. ప్రస్తుతం పూర్వ నిర్మాణ పనులు జరుగుతున్నాయి. త్వరలో చిత్రీకరణ మొదలవుతుంది. ఇతర నటీనటులు, సాంకేతిక నిపుణుల వివరాల్ని త్వరలో ప్రకటిస్తాం’’ అన్నారు.