My Dear Bootham: ప్రియమైన భూతం వచ్చేస్తోంది

ప్రభుదేవా (Prabhudeva) ప్రధాన పాత్రలో ఎన్‌.రాఘవన్‌ తెరకెక్కించిన చిత్రం ‘మై డియర్‌ భూతం’ (My Dear Bootham). ఏఎన్‌ బాలాజీ నిర్మాత. రమ్య నంబీశన్‌, అశ్వత్‌, పరం గుహనేష్‌ తదితరులు కీలక పాత్రలు పోషించారు. ఈ సినిమా జులై 15న ప్రేక్షకుల ముందుకు రానుంది. ఈ విషయాన్ని చిత్ర బృందం బుధవారం అధికారికంగా ప్రకటించింది. ఈ సందర్భంగా దర్శక నిర్మాతలు మాట్లాడుతూ.. ‘‘వైవిధ్యభరితమైన కథతో కిడ్స్‌ ఫాంటసీ చిత్రంగా దీన్ని ముస్తాబు చేశాం.  గ్రాఫిక్స్‌తో పాటు థ్రిల్లింగ్‌ ఎలిమెంట్స్‌ అన్ని వర్గాల ప్రేక్షకుల్ని ఆకట్టుకుంటాయి. ఇందులో ప్రభుదేవా స్టైలిష్‌గా కనిపించడమే కాక.. కాస్త థ్రిల్‌ పంచనున్నార’’న్నారు. ఈ చిత్రానికి డి.ఇమ్మాన్‌ స్వరాలందించారు. యు.కె.సెంథిల్‌ కుమార్‌ ఛాయాగ్రాహకుడిగా వ్యవహరించారు.