Cinema News: సమాజానికి ఉపయోగపడేలా

రఘు కుంచే ప్రధాన పాత్రలో పి.సునీల్‌ కుమార్‌ రెడ్డి తెరకెక్కించిన చిత్రం ‘మా నాన్న నక్సలైట్‌’. చదలవాడ శ్రీనివాసరావు నిర్మించారు. అజయ్‌, సుబ్బరాజు, ఎల్‌.బి.శ్రీరామ్‌ తదితరులు కీలక పాత్రల్లో నటించారు. ఈ సినిమా శుక్రవారం విడుదలవుతున్న నేపథ్యంలో బుధవారం హైదరాబాద్‌లో విలేకర్ల సమావేశం నిర్వహించారు. ఈ సందర్భంగా దర్శకుడు మాట్లాడుతూ.. ‘‘నక్సల్‌ బ్యాక్‌డ్రాప్‌లో జరిగే ఒక అద్భుతమైన తండ్రీ కొడుకుల కథే ఈ చిత్రం. ఇది ప్రతి ప్రేక్షకుడి మనసుని హత్తుకుంటుంది’’ అన్నారు. ‘‘మా చిత్ర పాటలు, ట్రైలర్‌ బాగున్నాయని అందరూ అంటున్నారు. సునీల్‌ కుమార్‌తో మరిన్ని చిత్రాలు చేస్తా’’ అన్నారు నిర్మాత చదలవాడ శ్రీనివాసరావు. దర్శకుడు అజయ్‌ మాట్లాడుతూ.. ‘‘సమాజానికి ఉపయోగపడే చిత్రమిది. ఇందులో ప్రతి డైలాగ్‌ ఆణిముత్యంలా ఉంది. ఈ సినిమాని ప్రేక్షకులు ఆదరించాలి’’ అన్నారు.