Pushparaj: ‘పుష్పరాజ్‌’..ట్రైలర్‌ విడుదల

ధ్రువ సర్జా హీరోగా చేతన్‌ కుమార్‌ తెరకెక్కించిన కన్నడ చిత్రం ‘పుష్పరాజ్‌ ది సోల్జర్‌’. ఈ సినిమాని ‘పుష్పరాజ్‌’ పేరుతో తెలుగు ప్రేక్షకుల ముందుకు తీసుకొస్తున్నారు నిర్మాతలు  బొడ్డు అశోక్‌, కె.రవీంద్ర కల్యాణ్. రచితా రామ్‌ నాయిక. ఈ చిత్రం ఆగస్టు 27న విడుదల కానుంది. ఈ నేపథ్యంలోనే ఇటీవల హైదరాబాద్‌లో చిత్ర పాటలు, ట్రైలర్‌ విడుదల చేశారు. ఈ సందర్భంగా చిత్ర నిర్మాతలు మాట్లాడుతూ  ‘‘ఈ చిత్రాన్ని మా బ్యానర్లలో విడుదల చేస్తున్నందుకు చాలా సంతోషంగా ఉంది. తెలుగు ట్రైలర్‌ అద్భుతంగా వచ్చింది. ఆగస్టు 27న   విడుదల కానున్న మా చిత్రాన్ని అందరూ  ఆశీర్వదించాలని కోరుకుంటున్నా’’ అన్నారు. ఈ కార్యక్రమంలో సూర్య కిరణ్‌, టి.ప్రసన్న కుమార్‌, శ్రీనివాస్‌, రేణుక తదితరులు పాల్గొన్నారు.

‘మనుచరిత్ర’ కథేంటి?

శివ కందుకూరి హీరోగా భరత్‌ పెదగాని తెరకెక్కిస్తున్న చిత్రం ‘మనుచరిత్ర’. నరాల శ్రీనివాస్‌ రెడ్డి నిర్మాత. మేఘా ఆకాష్‌, ప్రియ వడ్లమాని, ప్రగతి  శ్రీవాత్సవ్‌ కథానాయికలు. ఈ సినిమా తాజాగా నిర్మాణాంతర పనులు పూర్తి చేసుకుంది. ఈ సందర్భంగా దర్శక నిర్మాతలు మాట్లాడుతూ.. ‘‘వరంగల్‌  నేపథ్యంలో సాగే చిత్రమిది. ఇంటెన్స్‌ లవ్‌ స్టోరీతో రూపొందింది. శివ కందుకూరి లుక్‌, ఆయన నటన కొత్తగా ఉంటాయి. త్వరలో విడుదల తేదీ ప్రకటిస్తాం’’ అన్నారు. సంగీతం: గోపీ సుందర్‌, కూర్పు: ప్రవీణ్‌ పూడి, ఛాయాగ్రహణం: రాహుల్‌ శ్రీవాత్సవ్‌.