పండుగాడ్‌ మెప్పిస్తాడు

ప్రముఖ దర్శకుడు కె.రాఘవేంద్రరావు సమర్పణలో రూపొందిన చిత్రం ‘వాంటెడ్‌ పండుగాడ్‌’. సునీల్‌, అనసూయ భరద్వాజ్‌, బ్రహ్మానందం, వెన్నెల కిషోర్‌, సప్తగిరి, శ్రీనివాస్‌రెడ్డి, సుడిగాలి సుధీర్‌ ప్రధాన పాత్రధారులు. శ్రీధర్‌ సీపాన దర్శకుడు. సాయిబాబ కోవెలమూడి, వెంకట్‌ నిర్మాతలు. ఈ చిత్రం ఈనెల 19న ప్రేక్షకుల ముందుకొస్తున్న సందర్భంగా హైదరాబాద్‌లో విడుదల ముందస్తు వేడుక నిర్వహించారు. ‘పెళ్లిసందడి’ జోడీ రోషన్‌, శ్రీలీల ముఖ్య అతిథులుగా హాజరై తొలి టికెట్‌ని ఆవిష్కరించారు.కె.రాఘవేంద్రరావు మాట్లాడుతూ ‘‘సినిమాలకి పూర్వవైభవం వచ్చింది. ‘సీతారామం’, ‘బింబిసార’, ‘కార్తికేయ2’ విజయవంతంగా ప్రదర్శితమవుతున్నాయి. వినోదాత్మక చిత్రంగా రూపొందిన ‘వాంటెడ్‌ పండుగాడ్‌’ సైతం ప్రేక్షకుల్ని అలరిస్తుంద’’న్నారు. కార్యక్రమంలో అనసూయ, బి.వి.ఎస్‌.రవి, దుబాయ్‌ శర్మ, వసంతి, దీపికా, పృథ్వీ పాల్గొన్నారు.