ఎమ్మెల్యే నారాయణస్వామిగా..

ఇంద్రసేన, ఐశ్వర్యరాజ్‌ జంటగా నటిస్తున్న చిత్రం ‘శాసనసభ’. రాజేంద్రప్రసాద్‌, సోనియా అగర్వాల్‌, పృథ్వీరాజ్‌ ముఖ్య పాత్రధారులు. వేణు మడికంటి దర్శకత్వం వహిస్తున్నారు. తులసీరామ్‌ సాప్పని, షణ్ముగం సాప్పని నిర్మాతలు. తెలుగుతోపాటు తమిళ, హిందీ, మలయాళ, కన్నడ భాషల్లో తెరకెక్కుతున్న ఈ సినిమాలో రాజేంద్రప్రసాద్‌ లుక్‌ని, స్వాతంత్య్ర దినోత్సవం సందర్భంగా సోమవారం విడుదల చేసింది చిత్రబృందం. ఎమ్మెల్యే నారాయణస్వామి పాత్రలో ఆయన నటిస్తున్నారు. నిర్మాతలు మాట్లాడుతూ ‘‘పొలిటికల్‌ థ్రిల్లర్‌గా తెరకెక్కుతున్న చిత్రమిది. విలువలు, నిజాయతీ కలిగిన జాతీయ నాయకుడిగా రాజేంద్రప్రసాద్‌ పాత్ర అద్భుతంగా ఉంటుంది’’ అన్నారు.