ఒకటే కదా.. ఒకటే సదా ఈ జీవితం

శర్వానంద్‌, రీతూ వర్మ జంటగా శ్రీకార్తీక్‌ తెరకెక్కించిన చిత్రం ‘ఒకే ఒక జీవితం’. ఎస్‌.ఆర్‌.ప్రకాష్‌ బాబు, ఎస్‌.ఆర్‌.ప్రభు సంయుక్తంగా నిర్మించారు. అమల అక్కినేని, వెన్నెల కిషోర్‌, ప్రియదర్శి, నాజర్‌ తదితరులు కీలక పాత్రలు పోషించారు. తెలుగు, తమిళ భాషల్లో రూపొందిన ఈ ద్విభాషా చిత్రం సెప్టెంబర్‌ 9న ప్రేక్షకుల ముందుకు రానుంది. ఈ నేపథ్యంలో మంగళవారం ఈ సినిమాలోని ‘‘ఒకటే కదా.. ఒకటే సదా..ఈ జీవితం’’ అనే పాట విడుదల చేశారు. ఈ గీతానికి జేక్స్‌ బిజోయ్‌ స్వరాలు సమకూర్చగా.. కృష్ణకాంత్‌ సాహిత్యమందించారు. గౌతమ్‌ భరద్వాజ్‌ ఆలపించారు. విభిన్నమైన సైన్స్‌ ఫిక్షన్‌ కథాంశంతో రూపొందిన చిత్రమిది. తల్లీకొడుకుల అనుబంధం నేపథ్యంలో సాగుతుంది. ఈ చిత్రం తమిళంలో ‘కణం’ పేరుతో విడుదల కానుంది. కూర్పు: శ్రీజిత్‌ సారంగ్‌, ఛాయాగ్రహణం: సుజిత్‌ సారంగ్‌.