Shakini Dakini: శాలిని.. దామిని

దక్షిణ కొరియా చిత్రం ‘మిడ్‌నైట్‌ రన్నర్‌’కి రీమేక్‌గా రూపొందిన చిత్రం ‘శాకిని డాకిని’ (Shakini Dakini). రెజీనా కసాండ్రా (Regina), నివేదా థామస్‌ (Nivetha Thamos) ప్రధాన పాత్రధారులు. సుధీర్‌వర్మ దర్శకత్వం వహిస్తున్నారు. డి.సురేష్‌బాబు, సునీత తాటి, హ్యూన్వూ థామస్‌ కిమ్‌ నిర్మాతలు. ఈ సినిమాని సెప్టెంబర్‌ 16న విడుదల చేయాలని నిర్ణయించారు. మంగళవారం ప్రచార చిత్రాల్ని విడుదల చేశారు. నివేదా, రెజీనా... శాలిని, దామిని అనే పేర్లతో కనిపించనున్నట్టు స్పష్టమవుతోంది. ‘‘యాక్షన్‌ కామెడీ చిత్రమిది. అందరికీ కనెక్ట్‌ అయ్యే కథ ఇందులో ఉంద’’ని సినీవర్గాలు తెలిపాయి. ఈ చిత్రానికి సంగీతం: మైకీ మెక్‌క్లియరీ, నరేష్‌ కుమారన్‌, కూర్పు: విప్లవ్‌ నైషధం, కళ: గాంధీ నడికుడికర్‌, ఛాయాగ్రహణం: రిచర్డ్‌ప్రసాద్‌.