‘రాఘవన్‌-2’కు కసరత్తు

కమల్‌హాసన్, జ్యోతిక, కమలిని ముఖర్జీ నాయకనాయికలుగా నటించిన తమిళచిత్రం ‘వెట్టియాడు వెలియాడు’. ఇది తెలుగులో ‘రాఘవన్‌’గా విడుదలై ప్రేక్షకుల ఆదరణ పొందింది. దీని దర్శకుడు గౌతమ్‌ వాసుదేవ్‌ మేనన్‌ ఇప్పుడు ఈ సినిమాకు సీక్వెల్‌ రూపొందించే పనిలో ఉన్నారు. ఇప్పటికే స్క్రిప్ట్‌ పనులు పూర్తయ్యాయి. ‘విక్రమ్‌’ వంటి విజయంతో జోరుమీదున్న కమల్‌ హాసన్‌ ఆగస్టు 22 నుంచి ‘భారతీయుడు-2’ను తిరిగి సెట్స్‌ మీదకు తీసుకెళ్తున్నారు. తర్వాత ఆయన ‘వెట్టియాడు వెలియాడు-2’ చిత్రం చేయనున్నట్లు తెలుస్తోంది. ఇప్పటికే ఈ చిత్రంలో కథానాయికగా కీర్తిసురేష్‌ ఎంపికైంది. వచ్చే ఏడాది ఈ సినిమాను తెలుగులో ‘రాఘవన్‌-2’గా విడుదల చేయనున్నారు.