వస్తున్నాడు అతనే!

కథానాయకుడు ధనుష్‌ సుదీర్ఘ విరామం తర్వాత ఆయన సోదరుడు సెల్వరాఘవన్‌ దర్శకత్వంలో నటించిన తమిళ చిత్రం ‘నానే వరువేన్‌’. తెలుగులో ‘నేనే వస్తున్నా’ పేరుతో గీతా ఆర్ట్స్‌ సమర్పణలో విడుదలవుతోంది. ప్రస్తుతం నిర్మాణానంతర కార్యక్రమాల్ని జరుపుకుంటున్న ఈ చిత్రం ఈ నెలలోనే విడుదల కానుంది. ‘‘ధనుష్‌ - సెల్వరాఘవన్‌ కలయికలో వస్తున్న నాలుగో చిత్రమిది. ఆసక్తి రేకెత్తిస్తున్న ఈ కలయికకి తోడు, యువన్‌ శంకర్‌ రాజా సంగీతం, ఓం ప్రకాష్‌ కెమెరా పనితనం చిత్రానికి ప్రధాన ఆకర్షణ. ఇటీవలే సినిమా విడుదల గురించి చిత్ర నిర్మాత కలైపులి ఎస్‌.థాను హైదరాబాద్‌లో గీతా ఆర్ట్స్‌ అధినేత అల్లు అరవింద్‌ని కలిశార’’ని సినీ వర్గాలు తెలిపాయి. యోగిబాబు, ఇందుజా రవిచంద్రన్‌, ఎల్లి అవ్రామ్‌ తదితరులు నటించిన ఈ చిత్రానికి కథ: ధనుష్‌, సెల్వరాఘవన్‌.