తెలవారెనే సామి...

‘‘చిన్న వయసులో  హీరో కావడంతో కాలేజీ రోజుల్ని మిస్‌ అయ్యాను. ఈ సినిమా నాకు ఆ రోజుల్ని గుర్తు చేసింద’’న్నారు త్రిగుణ్‌. ఆయన కథానాయకుడిగా నటించిన చిత్రం ‘ప్రేమదేశం’. మేఘా ఆకాష్‌ కథానాయిక. మాయ, అజయ్‌ కతుర్వార్‌ ప్రధాన పాత్రలు పోషించారు. శ్రీకాంత్‌ సిద్ధమ్‌ దర్శకత్వం వహించారు. శిరీష సిద్ధమ్‌ నిర్మాత. మణిశర్మ స్వరకర్త. అక్టోబరులో చిత్రాన్ని ప్రేక్షకుల ముందుకు తీసుకు రానున్నారు. ఈ సందర్భంగా హైదరాబాద్‌లో చిత్రబృందం విలేకర్ల సమావేశం ఏర్పాటు చేసింది. ఈ సందర్భంగా త్రిగుణ్‌ మాట్లాడుతూ ‘‘తల్లి కొడుకుల బంధం నేపథ్యంలో నేను చేసిన సినిమాలు నాకు మంచి పేరు తీసుకొచ్చాయి. ఇందులో నాకు అమ్మగా మధుబాల నటించారు. మేఘ ఆకాష్‌తో మరోసారి కలిసి నటించడం ఆనందంగా ఉంది’’ అన్నారు. ఈ చిత్రంలోని ‘తెలవారెనే సామి...’ అంటూ సాగే పాటని సోమవారం విడుదల చేశారు.