కెమెరా ముందుకు...

సీబీఐ మాజీ జాయింట్‌ డైరెక్టర్‌ లక్ష్మీనారాయణ ‘భీమదేవరపల్లి బ్రాంచి’ చిత్రం కోసం నటుడిగా కెమెరా ముందుకొచ్చారు. రమేష్‌ చెప్పాల దర్శకత్వంలో రూపొందుతున్న చిత్రమిది. అంజిబాబు, రాజవ్వ, సుధాకర్‌ రెడ్డి, కీర్తి లత ప్రధాన పాత్రల్లో నటించిన చిత్రమిది. బత్తిని కీర్తిలత గౌడ్‌, రాజా నరేందర్‌ చెట్లపెల్లి నిర్మాతలు. జేడీ లక్ష్మీనారాయణతోపాటు, ప్రొఫెసర్‌ నాగేశ్వర్‌, అద్దంకి దయాకర్‌లపై ఇటీవలే తెరకెక్కించిన కీలక సన్నివేశాలతో చిత్రీకరణ పూర్తయిందని సినీ వర్గాలు తెలిపాయి. దర్శకుడు మాట్లాడుతూ ‘‘దేశవ్యాప్తంగా సంచలనం సృష్టించిన ఓ సంఘటన ప్రేరణతో రూపొందించిన చిత్రమిద’’ని తెలిపారు.