టైగర్‌తో సారా యాక్షన్‌

యాక్షన్‌ చిత్రాలకు చిరునామాగా మారుతున్న యువ కథానాయకుడు టైగర్‌ ష్రాఫ్‌ నుంచి జగన్‌ శక్తి దర్శకత్వంలో మరో యాక్షన్‌ చిత్రం రాబోతున్న సంగతి తెలిసిందే. ఇందులో నాయికగా సారా అలీఖాన్‌ను తీసుకున్నారట. త్వరలోనే ఆమె చిత్రీకరణలో పాల్గొననుంది. ఓ కొత్త జంటను ప్రేక్షకులకు చూపించాలని చిత్రబృందం భావిస్తోంది. దీంతో సారా అయితే బాగుంటుందని అనుకున్నారు. ఆమెకు కూడా కథ బాగా నచ్చింది’’అని చిత్రవర్గాలు చెప్పినట్లు సమాచారం. మనదేశంలోని కొన్ని ప్రాంతాలతో పాటు యూరప్‌లోనూ ఈ నెల 10 నుంచి చిత్రీకరణ చేయడానికి సన్నాహాలు జరుగుతున్నాయి. యాక్షన్‌ చిత్రం కావడంతో స్టంట్లు అన్ని అదిరిపోయేలా ఉండాలని, దానికి తగ్గట్లు బడ్జెట్‌ కేటాయించారట చిత్ర నిర్మాతలు.