Jai Bhim: ‘జై భీమ్‌’కు సీక్వెల్‌?

సూర్య (Suriya) ప్రధాన పాత్రలో నటించి మంచి ప్రేక్షకాదరణ పొందిన చిత్రం ‘జై భీమ్‌’ (Jai Bhim). విమర్శకులు ప్రశంసలు అందుకోవడమే కాదు పలు పురస్కారాలను ఈ చిత్రం గెలుచుకుంది. న్యాయవాది కె.చంద్రు జీవిత కథ ఆధారంగా తెరకెక్కిన చిత్రమిది. టీజే జ్ఞానవేల్‌ దర్శకత్వం వహించిన ఈ చిత్రానికి సీక్వెల్‌ తీసే ఆలోచనలో చిత్ర నిర్మాత రాజశేఖర్‌ పాండియన్‌ ఉన్నట్టు తెలుస్తోంది. ‘‘జై భీమ్‌ని ఓ ప్రాంచైజీగా మార్చడానికి చర్చలు జరిగాయి. కె.చంద్రు జీవితంలోని మరో కొత్త ఎపిసోడ్‌ని రెండో చిత్రంలో చూపించబోతున్నాం’’ అని నిర్మాత చెప్పినట్లు సమాచారం. తను అనుకున్న కథను పూర్తిస్థాయి స్క్రిప్టుగా మార్చే పనిలో ఉన్నారట దర్శకుడు జ్ఞానవేల్‌.