అది ఒత్తిడి కాదు

‘‘పని చేయడాన్ని ఎప్పుడూ ఒత్తిడిగా భావించను’’ అంటోంది నటి పూజా హెగ్డే. తెలుగు, హిందీ అని తేడాల్లేకుండా ఇటు దక్షిణాదిలోనూ.. అటు ఉత్తరాదిలోనూ వరుస సినిమాలతో క్షణం తీరిక లేకుండా గడిపేస్తోంది పూజ. మరి ఇంతలా పని చేయడం ఒత్తిడిగా ఏమన్నా అనిపిస్తుందా? అని ప్రశ్నిస్తే.. తనదైన శైలిలో ఇలా బదులిచ్చింది బుట్టబొమ్మ. ‘‘నాకు పని చేయడమంటే చాలా ఇష్టం. దాన్ని ఒత్తిడిగా ఎప్పుడూ అనుకోను. నా కలల్ని చాలా వరకు నిజం చేసుకోగలిగినా.. ఈరోజున నేను ఈస్థాయికి చేరుకోగలిగినా సినిమాల ద్వారా నేను పొందిన పనే కారణం. అందుకే ఆ పనిలోకి దూకేందుకు ఎప్పుడూ ఆతృతగా ఎదురు చూస్తుంటా. నిరంతరం పనిలో ఉండటం వల్ల ఉన్న మరో ప్రయోజనం ఏంటంటే.. తక్కువగా మాట్లాడతాం (నవ్వుతూ)’’ అని చెప్పుకొచ్చింది పూజ.