Kangana Ranaut: సెట్లోకి రాజనర్తకి

రా రా...సరసుకు రా రా...అంటూ వెండితెరపై చంద్రముఖి చేసిన హంగామా అంతా ఇంతా కాదు. ఆ పాత్రలో జ్యోతిక నటనను ప్రేక్షకులు మర్చిపోరు. రజనీకాంత్‌ కథానాయకుడిగా పి.వాసు దర్శకత్వం వహించిన ఆ చిత్రం అప్పట్లో సంచలన విజయం సాధించింది. ఇప్పుడు ఈ సినిమాకు సీక్వెల్‌గా వస్తోన్న ‘చంద్రముఖి 2’లో (Chandramukhi 2) టైటిల్‌ పాత్రలో కంగనా రనౌత్‌ (Kangana Ranaut) నటిస్తున్న సంగతి తెలిసిందే. ఇందులో రాజనర్తకి పాత్రలో కనిపించనుంది కంగన. మంగళవారం నుంచి ఈ సినిమా చిత్రీకరణలో పాల్గొంటున్నట్లు ఇన్‌స్టా ద్వారా వెల్లడించింది కంగన. ఈ చిత్రంలో రాఘవ లారెన్స్‌ (Raghava Lawrence) కథానాయకుడిగా నటిస్తున్నాడు. కంగన చేతిలో ‘తేజస్‌’, ‘ఎమర్జెన్సీ’ చిత్రాలతో పాటు బినోదినీ దాస్‌ బయోపిక్‌ చిత్రాలున్నాయి.