Priyanka Chopra: రంగు ఎక్కువున్న వాళ్లకంటే గొప్ప నటినే!

చాలా వేగంగా ప్రపంచస్థాయిలో గుర్తింపు తెచ్చుకున్న భారతీయ నటి ప్రియాంక చోప్రా (Priyanka Chopra). ఆమె నటి, నిర్మాత, రచయిత్రి, గాయకురాలు, వ్యాపార వేత్త ఇలా పలు విధాలుగా తనను తాను ఆవిష్కరించుకుంది. అందాల దేవత, అపూర్వ సుందరి ఇలా ఎన్నో రకాలుగా ఆమె కీర్తిస్తుంది సినీ లోకం. కానీ సినిమాల్లోకి వచ్చిన కొత్తలో ఆమె శరీర రంగు మీద మనసు గాయపడేలా వ్యాఖ్యలు చేసేవారట. ఈ విషయాన్ని ఇటీవల ఓ పత్రికకు ఇచ్చిన ఇంటర్వ్యూలో ఆమె పంచుకుంది. ‘‘సినిమాల్లోకి వచ్చిన కొత్తలో బ్లాక్‌ క్యాట్‌, డస్కీ అంటూ కొందరు నన్ను విమర్శించేవారు. నా కంటే మంచి రంగున్న నాయికలు చాలామంది కంటే నేను గొప్ప నటినే అని నా భావనతో జీవితంలో ముందుకెళ్లిపోయాను. అప్పుడు ఆ విమర్శల్ని పట్టించుకునుంటే ఈ స్థాయికి వచ్చేదాన్ని కాదేమో’’అని చెప్పింది ప్రియాంక. కెరీయర్‌ కొత్తలో హీరోల పారితోషికంలో పదిశాతం కూడా నాకు దక్కేది కాదు అంటూ పారితోషికం విషయంలోనూ వివక్ష గురించి మనసులో మాటను ఆమె పంచుకుంది.