Deepika Padukone: లేడీ సింగం

రోహిత్‌ శెట్టి (Rohit Shetty) కాప్‌ యూనివర్స్‌లో భాగంగా ‘సింగం’ (Singham) సిరీస్‌లో మూడో చిత్రంగా ‘సింగం ఎగైన్‌’ రానున్న విషయం తెలిసిందే. ఈ సిరీస్‌లో పోలీస్‌ అధికారిగా మూడోసారి అజయ్‌దేవ్‌గణ్‌ సందడి ఎలా ఉంటుందో అని అభిమానులు ఆసక్తిగా చూస్తున్నారు. దాంతో పాటు ఈ సినిమాలో కథానాయిక ఎవరనేది కూడా ఆసక్తికరంగా మారింది. దీనికి సమాధానం ‘సర్కస్‌’ సినిమా వేడుకలో రోహిత్‌ శెట్టే చెప్పేశారు. ఈ చిత్రంలోని ‘కరెంట్‌ లగా రే..’ పాట విడుదల కార్యక్రమం ముంబయిలో జరిగింది. ఈ పాటలో రణ్‌వీర్‌సింగ్‌ సరసన ఆడిపాడింది దీపికా పదుకొణె (Deepika Padukone). ‘చెన్నై ఎక్స్‌ప్రెస్‌’ తర్వాత తిరిగి దీపకతో మళ్లీ ఎప్పుడు పని చేస్తారు? అని రోహిత్‌శెట్టిని ఈ వేడుకలో పాత్రికేయులు అడగ్గా..‘ఈమే మా లేడీ సింగం’ అంటూ దీపిక పేరుని ప్రకటించారు రోహిత్‌. వచ్చే ఏడాది సాధ్యమైనంత తొందరగా కలిసి పనిచేస్తాం అని ఆయన చెప్పారు.