Tollywood: హిట్ కొట్టిన కొత్త కెప్టెన్లు
కొత్తదనానికి చిరునామాగా నిలుస్తుంటారు నవతరం దర్శకులు. మారుతున్న ప్రేక్షకుల అభిరుచులకు తగ్గట్లుగా వైవిధ్యభరితమైన కథలతో వినోదాలు పంచడంలో వారెప్పుడూ ముందుంటారు.
2022లో సత్తా చాటిన నవతరం దర్శకులు
కొత్తదనానికి చిరునామాగా నిలుస్తుంటారు నవతరం దర్శకులు. మారుతున్న ప్రేక్షకుల అభిరుచులకు తగ్గట్లుగా వైవిధ్యభరితమైన కథలతో వినోదాలు పంచడంలో వారెప్పుడూ ముందుంటారు. అందుకే తెరపై కొత్త ప్రతిభ మెరుస్తుందంటే చాలు.. సినీప్రియులంతా ఆవైపు ఓ కన్నేస్తుంటారు. గతేడాదిలాగే ఈ ఏడాదీ తెలుగు తెరపై పలువురు కొత్త దర్శకులు అదృష్టం పరీక్షించుకున్నారు. వారిలో కొందరు తొలి అడుగులోనే మెప్పించగా.. మరికొందరి ప్రయత్నాలకు ప్రశంసలు దక్కాయి. మరి ఈ ఏడాది తెరపై మెరిసిన ఆ కొత్త కెప్టెన్లు ఎవరు? వారి చిత్ర విశేషాలేంటి? తెలుసుకుందాం పదండి..
ఈ ఏడాది తెలుగులో చిన్న, మీడియం రేంజ్ చిత్రాల మెరుపులు బాగా కనిపించాయి. ‘డీజే టిల్లు’ (DJ Tillu), ‘అశోకవనంలో అర్జున కల్యాణం’ (Ashoka Vanamlo Arjuna Kalyanam), ‘ఒకే ఒక జీవితం’, ‘స్వాతిముత్యం’, ‘మసూద’ (Masooda) ఇలాంటి చిత్రాలన్నీ ప్రేక్షకుల్ని కట్టి పడేశాయి. ఎన్నో రూ.కోట్లు పోసి తీసిన భారీ చిత్రాలకంటే మిన్నగా ఆకట్టుకున్నాయి. ‘సినిమా తీయాలంటే భారీతనం కాదు.. సరికొత్త ఆలోచనలు ముఖ్యమ’ని ఈ చిత్రాలే నిరూపించాయి. వీటిని నడిపించిన దర్శకులంతా తొలిసారి కెప్టెన్ కుర్చీలో కూర్చున్నవారే. అనుభవం లేకపోయినా.. వాళ్లలో ఉన్న ఉత్సాహం, సాధించాలన్న తపనే ఇంతటి విజయాలు దక్కించుకునేలా చేసింది. ఫిబ్రవరిలో వచ్చిన ‘డీజే టిల్లు’ చిత్రంతో తెలుగు తెరకు పరిచయమైన దర్శకుడు విమల్ కృష్ణ. సిద్దు జొన్నలగడ్డ, నేహా శెట్టి జంటగా నటించారు. ఒక సింపుల్ ప్రేమకథకు ఓ క్రైమ్ ఎలిమెంట్ను జోడిస్తూ వినోదాత్మకంగా కథనం నడిపిన తీరు సినీప్రియుల్ని అలరించింది. ముఖ్యంగా టిల్లు పాత్రను తీర్చిదిద్దుకున్న తీరు.. ఆ పాత్రలో సిద్ధు ఒదిగిన విధానం చిత్ర విజయంలో కీలక పాత్ర పోషించాయి. రాధిక పాత్రలో నాయిక నేహా శెట్టి ఆకట్టుకుంది. పెళ్లి, లాక్డౌన్.. ఈ రెండింటినీ ముడిపెడుతూ విద్యా సాగర్ చింతా తెరకెక్కించిన చిత్రం ‘అశోకవనంలో అర్జున కల్యాణం’. విష్వక్ సేన్ హీరోగా నటించిన ఈ సినిమా బాక్సాఫీస్ ముందు చక్కటి విజయాన్నే అందుకొంది. తెలంగాణ అబ్బాయి, ఆంధ్రా అమ్మాయిని వెతుక్కుంటూ వెళ్లి పెళ్లి చేసుకోవాలనుకోవడం..లాక్డౌన్ వల్ల వాళ్లు అదే ఇంట్లో ఇరుక్కుపోవడం.. ఆ తర్వాత జరిగే రకరకాల పరిణామాలు, రెండు కుటుంబాల మధ్య మొదలైన అలకలు, చిర్రుబుర్రులు.. ఇలాంటి అంశాలతో సరదాగా సాగే ప్రయాణమిది.
తొలి అడుగులోనే అగ్ర హీరోల దృష్టిలో
‘బింబిసార’తో (Bimbisara) తొలి అడుగులోనే అగ్ర కథానాయకుల దృష్టిలో పడ్డారు దర్శకుడు వశిష్ఠ్. కల్యాణ్ రామ్ కథానాయకుడిగా నటించిన చిత్రమిది. వశిష్ఠ్ ఈ సినిమా కోసం ఓ కొత్త కోణం పట్టుకున్నారు. చరిత్రలో క్రూర రాజుగా ముద్రపడిన బింబిసారుడు మంచి మనిషిగా మారడం వెనుక ఓ చక్కటి ఫాంటసీని ఊహించుకున్నారు. చరిత్రను వర్తమానంతో ముడిపెడుతూ ఓ ఆసక్తికర కథ అల్లుకున్నారు. దాన్ని అంతే చక్కగా తెరపై ఆవిష్కరించి ప్రేక్షకుల మెప్పు పొందారు. ఇప్పుడాయన ఈ సినిమాకి కొనసాగింపుగా ‘బింబిసార2’ను తీసుకొచ్చే పనిలో ఉన్నారు. ‘ఒకే ఒక జీవితం’ (Oke Oka Jeevitham) అంటూ ఓ వినూత్నమైన టైమ్ ట్రావెల్ కథాంశంతో అలరించారు హీరో శర్వానంద్. ఈ చిత్రంతోనే దర్శకుడిగా తొలి ప్రయత్నంలోనే ప్రేక్షకులతో పాటు విమర్శకుల ప్రశంసల్నీ దక్కించుకున్నారు శ్రీ కార్తీక్. వాస్తవానికి టైమ్ మిషన్ కథలు మనకు కొత్తేమీ కాకున్నా.. ఇందులో దాన్ని అమ్మ అనే ఎమోషన్తో జత చేసి ప్రేక్షకుల హృదయాల్ని కదిలించారు కార్తీక్. ఈ ఏడాది తెలుగులో సరోగసి (అద్దె గర్భం) నేపథ్యంలో రెండు చిత్రాలు ప్రేక్షకుల ముందుకొచ్చాయి. అందులో ఒకటైన ‘స్వాతిముత్యం’ సినీప్రియుల్ని కడుపుబ్బా నవ్వించింది. కొత్త దర్శకుడు లక్ష్మణ్ కె.కృష్ణ తెరకెక్కించిన చిత్రమిది. ఈ సినిమాతోనే బెల్లంకొండ గణేష్ హీరోగా తెరకు పరిచయమయ్యారు. ఇక ఇటీవలే ‘మసూద’తో ప్రేక్షకుల్ని భయపెట్టారు దర్శకుడు సాయికిరణ్. చాలా తక్కువ బడ్జెట్లో రూపొందిన ఈ సినిమా బాక్సాఫీస్ ముందు చక్కటి వసూళ్లు దక్కించుకుంది. ఈ కొత్త దర్శకులందరి నుంచి భవిష్యత్తులో మరిన్ని మంచి చిత్రాలొచ్చే అవకాశముంది. కొత్త ఏడాదిలో తెరపై అదృష్టం పరీక్షించుకోనున్న నవతరం దర్శకులకు ఈ విజయాలు స్ఫూర్తినిస్తాయనడంలో సందేహం లేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆ సినిమా నుంచి గుణపాఠం నేర్చుకున్నా: సోనాలి బింద్రే
ఇటీవల ఓ ఇంటర్వ్యూలో నటి సోనాలి మాట్లాడుతూ.. తాను నటించిన ఓ సినిమా నుంచి గుణపాఠాన్ని నేర్చుకున్నట్లు చెప్పారు. -
ఆ ప్రాజెక్ట్ వదులుకున్నా.. దీపిక నాకు థ్యాంక్స్ చెప్పాలి: కరీనాకపూర్
బాలీవుడ్ నటి కరీనాకపూర్ (Kareena Kapoor) తాజాగా ఇంటర్వ్యూలో పాల్గొన్నారు. తానొక హిట్ ప్రాజెక్ట్ వదులుకున్నానని.. దాంతో ఆ అవకాశం దీపికను వరించిందని తెలిపారు. -
‘మా చిత్రాన్ని మరో ‘అన్బే శివం’ చేయొద్దు’: విజయ్ ఆంటోనీ వైరల్ పోస్ట్
విజయ్ ఆంటోనీ (Vijay Antony) ప్రధాన పాత్రలో నటించిన సరికొత్త చిత్రం ‘రోమియో’ (Romeo). ఇదే చిత్రాన్ని తెలుగులో ‘లవ్గురు’గా విడుదల చేశారు. -
స్మిత ఇంట సీతారాముల కల్యాణం.. నాని సందడి
నటి, గాయని స్మిత (Smita) నివాసంలో శ్రీరామ నవమి వేడుకలు ఘనంగా జరిగాయి. -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
మనసంతా.. ఫాంటసీ
చిత్ర పరిశ్రమలో సోషియో ఫాంటసీ యాక్షన్ థ్రిల్లర్లకు ప్రత్యేకమైన క్రేజ్ ఉంది. సంభ్రమాశ్చర్యాలకు గురి చేసే కొత్త ప్రపంచాలు.. -
‘విక్రమార్కుడు2’ కోసం కథ సిద్ధమైంది
‘‘తెలుగులో ‘విక్రమార్కుడు 2’, హిందీలో ‘రౌడీ రాథోడ్ 2’ చిత్రాల కోసం కథ సిద్ధమైంది. నటుల ఎంపిక పూర్తవ్వగానే సినిమాని పట్టాలెక్కిస్తాం’’ -
గురుశిష్యులుగా తండ్రీకూతుళ్లు?
సినిమాల్లో నటనతో మెప్పించే కథానాయకులు.. వారి వారసులను తెరపైకి ఎప్పుడెప్పుడు తీసుకొస్తారా? అనే ఆసక్తితో ఎదురుచూస్తుంటారు సినీప్రియులు. -
ఈ వేసవిలో... ‘మనమే’
‘చాలా మంచోడిగా కనిపిస్తా, కానీ మంచోడినా? కాదు’ అని చెప్పుకునే ఓ అబ్బాయి. ‘ఒకరికి మాట ఇస్తే దానికి కట్టుబడి ఉండటమే మన క్యారెక్టర్’ అని నమ్మే ఓ అమ్మాయి. -
నిర్ణయించుకో.. నిన్నెవరు పాలించాలో!
‘రాష్ట్రానికి అప్పులు పెరుగుతుంటే... మీ ఆస్తులు మాత్రం ఎలా పెరుగుతున్నాయి సర్?’ అంటూ సూటిగా ప్రశ్నించాడు ఓ పాత్రికేయుడు. మరి సదరు నాయకుడి సమాధానం ఏమిటో తెలియాలంటే ‘ప్రతినిధి2’ చూడాల్సిందే. -
రెట్టింపు నవ్వులతో... ‘మ్యాడ్ స్క్వేర్’
‘టిల్లు స్క్వేర్’తో విజయాన్ని సొంతం చేసుకున్న సితార ఎంటర్టైన్మెంట్స్ సంస్థ... మరో కొనసాగింపు చిత్రాన్ని పట్టాలెక్కించింది. -
బేబి కీర్తి.. సెట్లో సందడి
ఇతర భాషల్లో నటించి మంచి క్రేజ్ని సొంతం చేసుకున్న నాయకానాయికలు ఎందరో. ఇప్పుడదే జాబితలో చేరింది అందాల కథానాయిక కీర్తి సురేశ్. ‘బేబి జాన్’తో ఆమె బాలీవుడ్లో అడుగుపెట్టనున్న సంగతి తెలిసిందే. -
‘బాక్’.. వారం వెనక్కి
సుందర్. సి ప్రధాన పాత్రలో నటిస్తూ స్వయంగా తెరకెక్కించిన చిత్రం ‘బాక్’. ఖుష్బు సుందర్, ఏసీఎస్ అరుణ్ కుమార్ సంయుక్తంగా నిర్మించారు. -
కావ్య బాధ.. శారీలో లావణ్య, మౌనీరాయ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘ప్రేమలు 2’ ఫిక్స్.. రిలీజ్ ఎప్పుడంటే?
ఇటీవల ప్రేక్షకుల ముందుకు వచ్చి సూపర్ హిట్ అయిన ‘ప్రేమలు’ చిత్రానికి సీక్వెల్ రానుంది. ఈ విషయాన్ని నిర్మాణ సంస్థ అధికారికంగా ప్రకటించింది. -
ఆ దర్శకుడి మూఢనమ్మకం.. 42 రోజులపాటు ఒకే దుస్తులు: విద్యా బాలన్
తన తదుపరి చిత్రం ‘దో ఔర్ దో ప్యార్’ ప్రమోషన్స్లో భాగంగా వరుస ఇంటర్వ్యూల్లో పాల్గొంటున్నారు నటి విద్యాబాలన్ (Vidya Balan).
తాజా వార్తలు (Latest News)
-
ఆ సినిమా నుంచి గుణపాఠం నేర్చుకున్నా: సోనాలి బింద్రే
-
దిల్లీ కోటలో తొలి మ్యాచ్.. హైదరాబాద్ దూకుడును మళ్లీ చూస్తామా?
-
కేంద్ర ఎన్నికల సంఘానికి కనకమేడల మరో లేఖ
-
సైబర్ టవర్స్ వద్ద చంద్రబాబు జన్మదిన వేడుకలు
-
ఆ ప్రాజెక్ట్ వదులుకున్నా.. దీపిక నాకు థ్యాంక్స్ చెప్పాలి: కరీనాకపూర్
-
ధోనీ ఆటే స్ఫూర్తి.. లేటుగా బ్యాటింగ్కు రావడానికి కారణముంది: ఫ్లెమింగ్