Nani: ముహూర్తం కుదిరింది

ఇటీవలే ‘దసరా’ (Dasara) చిత్రాన్ని పూర్తి చేశారు కథానాయకుడు నాని (Nani). ఇప్పుడు తన తదుపరి సినిమాని పట్టాలెక్కించేందుకు సిద్ధమయ్యారు. ఇది నానికి 30వ (Nani 30) సినిమా. శౌర్యువ్‌ తెరకెక్కిస్తున్న ఈ చిత్రాన్ని చెరుకూరి మోహన్‌, విజయేందర్‌ రెడ్డి, మూర్తి కలగర సంయుక్తంగా నిర్మిస్తున్నారు. ఈ సినిమా ఈనెల 31న హైదరాబాద్‌లో పూజా కార్యక్రమాలతో ప్రారంభం కానుంది. ఈ విషయాన్ని చిత్ర బృందం శనివారం అధికారికంగా ప్రకటించింది. ఫిబ్రవరి 1 నుంచి రెగ్యులర్‌ చిత్రీకరణ మొదలుపెడతామని తెలియజేసింది. తండ్రీకూతుళ్ల అనుబంధాల నేపథ్యంలో సాగే చిత్రమిది. ఇందులో నానికి సరికొత్త లుక్‌తో కనిపించనున్నారు. ఆయనకు జోడీగా మృణాల్‌ ఠాకూర్‌ నటిస్తోంది. ఈ సినిమాకి హేషమ్‌ అబ్దుల్‌ వహాబ్‌ స్వరాలందిస్తున్నారు.