‘కబ్జ’ కబురు

ఉపేంద్ర కథానాయకుడిగా తెరకెక్కుతున్న చిత్రం ‘కబ్జ’. ఆర్‌.చంద్రు దర్శకనిర్మాత. మార్చి 17న తెలుగు, కన్నడతోపాటు తమిళ, మలయాళ, హిందీ భాషల్లో ప్రేక్షకుల ముందుకు రానుంది. ఎన్‌.సుధాకర్‌రెడ్డి సమర్పణలో కథానాయకుడు నితిన్‌ సొంత నిర్మాణ సంస్థలైన రుచిరా ఎంటర్‌టైన్‌మెంట్స్‌, ఎన్‌.సినిమాస్‌ పతాకాలపై తెలుగు ప్రేక్షకుల ముందుకు రానుందీ చిత్రం. ఈ సందర్భంగా ఎన్‌.సుధాకర్‌రెడ్డి మాట్లాడుతూ ‘‘తెలుగు ప్రేక్షకులు ఎంతగానో అభిమానించే కథానాయకుడు ఉపేంద్ర. ఆయన నటించిన ‘కబ్జ’పై గొప్ప అంచనాలున్నాయి. పాన్‌ ఇండియా స్థాయిలో సంచలనాలు సృష్టించిన కన్నడ చిత్రాలకి దీటుగా దీన్ని రూపొందించారు ఆర్‌.చంద్రు. 1947 నుంచి 84 కాలంలో నడిచే కథతో, మాఫియా ప్రపంచం చుట్టూ సాగుతుంద’’న్నారు.