Chandramukhi 2: రామోజీ ఫిల్మ్‌సిటీలో ‘చంద్రముఖి 2’

హైదరాబాద్‌కు కంగన రాక

‘చంద్రముఖి 2’ (Chandramukhi 2)తో మరోసారి ప్రేక్షకుల్ని భయపెడుతూ అలరించడానికి సిద్ధమవుతున్నారు దర్శకుడు పి.వాసు (P Vasu). ఆయన దర్శకత్వం వహిస్తున్న ఈ సినిమా చిత్రీకరణ ప్రస్తుతం రామోజీ ఫిల్మ్‌సిటీలో జరుగుతోంది. చంద్రముఖి గది నేపథ్యంగా సాగే ఈ సన్నివేశాలను లారెన్స్‌ (Lawrence) తదితరులపై తెరకెక్కిస్తున్నారు. దీని కోసం ప్రత్యేకంగా సెట్లను తీర్చిదిద్దారు. ఇందులో రాజనర్తకిగా కంగన రనౌత్‌ (Kangana Ranaut) నటిస్తున్న సంగతి తెలిసిందే. ఈ సినిమా చిత్రీకరణ కోసం కంగన మంగళవారమే హైదరాబాద్‌ చేరుకుంది. ఈ విషయాన్ని ఇన్‌స్టా ద్వారా తెలియజేసింది. బుధవారం నుంచి ఆమె షూటింగ్‌లో పాల్గొనబోతున్నట్లు తెలుస్తోంది. ‘చంద్రముఖి’ని మించి సీక్వెల్‌ అలరిస్తుందని చిత్రవర్గాలు చెబుతున్నాయి. లైకా ప్రొడక్షన్స్‌ ఈ చిత్రాన్ని నిర్మిస్తోంది.