Nani: మరో కథ కుదిరింది

నాని (Nani) వరుస సినిమాలతో జోరు చూపిస్తున్నారు. ప్రస్తుతం ఆయన నటించిన ‘దసరా’ (Dasara) విడుదలకు సిద్ధమవుతుండగా.. శౌర్యువ్‌తో చేస్తున్న కొత్త సినిమా చిత్రీకరణ శరవేగంగా జరుగుతోంది. కాగా, ఇప్పుడాయన వివేక్‌ ఆత్రేయ దర్శకత్వంలో ఓ సినిమా చేసేందుకు అంగీకరించారని సమాచారం. వివేక్‌ శైలి వైవిధ్యభరితమైన కథతో.. నాని మార్క్‌ ఎంటర్‌టైనింగ్‌ అంశాలతో ఈ చిత్రం రూపొందనున్నట్లు తెలిసింది. అయితే ఈ ప్రాజెక్ట్‌ను నిర్మించేదెవరన్నది ఇంకా తేలలేదు. నాని - వివేక్‌ ఆత్రేయ కలయికలో గతేడాది ‘అంటే సుందరానికీ’ (Ante Sundaraniki) చిత్రం వచ్చిన సంగతి తెలిసిందే. దీనికి ప్రేక్షకుల నుంచి మంచి స్పందన వచ్చినప్పటికీ.. ఆశించిన స్థాయిలో వసూళ్లు రాబట్టలేక పోయింది.