Breaking | Feedback | ePratibha | E-PAPER | Pratibha

Ramcharan: ఆస్కార్‌ కోసం అమెరికా పయనం

Updated : 22 Feb 2023 08:02 IST

కథానాయకుడు రామ్‌చరణ్‌ మరోసారి అమెరికాకి పయనమై వెళ్లారు. ఆస్కార్‌ పురస్కారాల ప్రదానోత్సవం సమీపిస్తున్న వేళ... అమెరికాలో జరుగుతున్న పలు కీలక కార్యక్రమాల్లో ఆయన పాల్గొననున్నారు. గోల్డెన్‌ గ్లోబ్‌ పురస్కారాల సమయంలోనూ ‘ఆర్‌ఆర్‌ఆర్‌’ బృందంతో కలిసి కొన్నాళ్లపాటు అమెరికాలోనే గడిపారు. ‘ఆర్‌ఆర్‌ఆర్‌’ సినిమాతో అంతర్జాతీయ స్థాయి గుర్తింపుని సొంతం చేసుకున్నారు రామ్‌చరణ్‌. ఇటీవల ఆయన నటనని ప్రముఖ దర్శకుడు జేమ్స్‌ కామెరూన్‌ ప్రత్యేకంగా ప్రస్తావించి అభినందించిన సంగతి తెలిసిందే. ‘ఆర్‌ఆర్‌ఆర్‌’ చిత్రం బెస్ట్‌ ఒరిజినల్‌ సాంగ్‌ విభాగంలో ఆస్కార్‌కి నామినేట్‌ అయింది. రేసులో ఈ సినిమానే ముందంజలో ఉంది. మార్చి 12న జరిగే ఆస్కార్‌ ప్రదానోత్సవంలో రామ్‌చరణ్‌ పాల్గొననున్నట్టు తెలుస్తోంది. అంతకుముందే జరిగే హాలీవుడ్‌ క్రిటిక్స్‌ అసోసియేషన్‌ అవార్డ్స్‌ వేడుకలోనూ చరణ్‌ సందడి చేయనున్నట్టు తెలుస్తోంది. ప్రస్తుతం రామ్‌చరణ్‌... శంకర్‌ దర్శకత్వంలో ఓ సినిమా చేస్తున్నారు. ఇటీవలే ఆ సినిమా షెడ్యూల్‌ ముగిసింది.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.