కాజల్‌కు స్వాగతం

కథానాయిక కాజల్‌ అగర్వాల్‌ మరో దఫా మురిపించేందుకు సిద్ధమైంది. సుదీర్ఘ కాలం తర్వాత ఆమె తెలుగు సినిమా సెట్లోకి అడుగుపెట్టింది. పెళ్లి, ప్రసవంతో విరామం తీసుకున్న ఆమె... ఇటీవలే ‘భారతీయుడు2’ కోసం మళ్లీ కెమెరా ముందుకొచ్చింది.   తెలుగులో బాలకృష్ణ సరసన నటించేందుకు పచ్చజెండా ఊపింది. అనిల్‌ రావిపూడి దర్శకత్వంలో రూపొందుతున్న ఈ సినిమా సెట్లోకి సోమవారమే అడుగుపెట్టింది కాజల్‌. ఈ సందర్భంగా చిత్రబృందం ఆమెకి ఘనంగా స్వాగతం పలికింది. ఇందులో కాజల్‌తోపాటు, మరో కథానాయిక శ్రీలీల కూడా నటిస్తున్నారు. షైన్‌ స్క్రీన్‌ పతాకంపై హరీష్‌ పెద్ది, సాహు గారపాటి నిర్మిస్తున్నారు.