ఖాన్స్‌... భారీ యాక్షన్‌

ప్రముఖ బాలీవుడ్‌ కథానాయకుడు సల్మాన్‌ ఖాన్‌ ప్రధాన పాత్రలో నటిస్తున్న చిత్రం ‘టైగర్‌ 3’. ప్రేక్షకులు ఎంతో ఆసక్తిగా ఎదురు చూస్తున్న చిత్రాలలో ఇది ఒకటి. మనీష్‌ శర్మ తెరకెక్కిస్తోన్న ఈ చిత్రంలో షారుక్‌ ఖాన్‌ అతిథి పాత్రలో కనిపించనున్న విషయం తెలిసిందే. తాజాగా సల్మాన్‌, షారుక్‌ మధ్య జైలులో జరిగే భారీ యాక్షన్‌ సన్నివేశాలను ముంబయిలోని యష్‌ రాజ్‌ స్టూడియోలో చిత్రీకరించడానికి ఏర్పాట్లు చేస్తున్నారు.  ఇందులో జైలులో బందీ అయిన సల్మాన్‌ను తప్పించేందుకు వరీందర్‌ సింగ్‌ ఘుమాన్‌తో పోరాడతాడట షారుక్‌. వచ్చే నెల్లో ఈ  సన్నివేశాలను తెరకెక్కించనున్నారు. కత్రినా కైఫ్‌ నాయికగా నటిస్తోన్న ఈ సినిమా దీపావళికి విడుదల కానుంది.