ఐపీఎల్‌లో ఆటాపాటా

ఇండియన్‌ ప్రీమియర్‌ లీగ్‌ (ఐపీఎల్‌) అంటేనే క్రికెట్‌ ఆటతోపాటు అట్టహాసంగా నిర్వహించే ప్రారంభ వేడుకలు గుర్తొస్తాయి. కరోనా కారణంగా గత నాలుగు సీజన్లలో ఈ కార్యక్రమాన్ని రద్దు చేశారు. మార్చి 31 నుంచి 16వ సీజన్‌ ప్రారంభం కానుంది. ఇందులో ఆరంభ పండగని ఆర్భాటంగా నిర్వహిస్తామని ఐపీఎల్‌ యాజమాన్యం ప్రకటించింది. ఈసారి ప్రత్యేకత ఏంటంటే అగ్ర కథానాయికలు తమన్నా, రష్మికలు ఇందులో భాగం కానున్నారు. అహ్మదాబాద్‌లోని నరేంద్ర మోదీ స్టేడియంలో ఈ వేడుకలు జరగనున్నాయి. ‘ఆరంభ వేడుకల ప్రదర్శన కోసం తమన్నా తీవ్రంగా సాధన చేస్తున్నారు. ఆమె ప్రతి విషయాన్నీ సీరియస్‌గా తీసుకొని బెస్ట్‌ ఇవ్వడానికి ప్రయత్నిస్తారు. ఈ అతిపెద్ద వేడుకలో ప్రదర్శన ఇవ్వడం నటిగా ఆమెకు ఒక మంచి అవకాశం. తన ప్రతిభతో ఆమె తప్పకుండా ప్రేక్షకుల హృదయాలు గెల్చుకుంటారు’ అంటూ ఐపీఎల్‌ కీలక అధికారి ఒకరు శనివారం తెలిపారు. ఈ వేడుకల్లో రష్మిక సైతం భాగం కానునన్నారని వార్తలు వెలువడుతున్నా.. దీన్ని ఇంకా ధ్రువీకరించలేదు