SSMB28: సంక్రాంతికి మహేష్‌ చిత్రం

కథానాయకుడు మహేష్‌బాబు (Mahesh Babu) సంక్రాంతి బరిలో దిగేందుకు సిద్ధమయ్యారు. ఆయన ప్రస్తుతం త్రివిక్రమ్‌ (Trivikram) దర్శకత్వంలో ఓ సినిమా చేస్తున్న సంగతి తెలిసిందే. ‘అతడు’, ‘ఖలేజా’ లాంటి విజయాల తర్వాత ఈ ఇద్దరి కలయికలో వస్తున్న మూడో చిత్రమిది. హారిక హాసిని క్రియేషన్స్‌ పతాకంపై ఎస్‌.రాధాకృష్ణ నిర్మిస్తున్నారు. పూజా హెగ్డే, శ్రీలీల కథానాయికలు. ఈ సినిమా వచ్చే ఏడాది సంక్రాంతి సందర్భంగా జనవరి 13న విడుదల కానుంది. ఈ విషయాన్ని చిత్ర బృందం ఆదివారం అధికారికంగా ప్రకటించింది. దీంతో పాటు మహేష్‌బాబు ఫస్ట్‌లుక్‌ను పంచుకుంది. అందులో మహేష్‌ మాస్‌ లుక్‌తో స్టైలిష్‌గా నడిచొస్తూ కనిపించారు. బ్యాక్‌గ్రౌండ్‌లో కనిపిస్తున్న వాతావరణాన్ని బట్టి ఇది మిర్చి యార్డ్‌లో జరిగే యాక్షన్‌ సన్నివేశమని అర్థమవుతోంది. సరికొత్త ఫ్యామిలీ యాక్షన్‌ ఎంటర్‌టైనర్‌గా ముస్తాబవుతున్న ఈ చిత్రం ప్రస్తుతం శరవేగంగా చిత్రీకరణ జరుపుకుంటోంది. సంగీతం: తమన్‌, కూర్పు: నవీన్‌ నూలి, ఛాయాగ్రహణం: పీఎస్‌ వినోద్‌.